Соопштенија

Започнува инвестициски циклус за подобрување на патната инфраструктура: Обезбедени финансии за 800 километри патишта

Премиерот Заев соопшти дека 270 милиони евра се обезбедени оваа година за изградба, реконструкција и рехабилитација на повеќе од 60 патни правци во должина од околу 800 км и соопшти дека започнува градежна офанзива на патна инфраструктура во Република Македонија.

Порастот на минималната плата дава резултати: Платите растат

Вицепремиерот Анѓушев потенцираше дека зголемувањето на просечната плата е резултат на подигнување на лимитот на минималната плата, но и дека за раст на економијата мора да се поддржуваат компании кои се успешни и кои се пред се извозно ориентирани.

Премиерот Заев со претставници на Националниот Совет на инвалидски организации: Владата е сервис на сите граѓани и ќе продолжи со изнаоѓање законски решенија за финансирање и подобрување на условите на лицата со инвалидност и попреченост

„Целта на Владата е да продолжи да донесува наменски законски решенија за да се подобруваат условите за лицата со инвалидност. Постојано сме насочени кон подобрување на квалитетот на животот на овие наши граѓани“, рече премиерот Заев.

МТСП Царовска и МЗ Филипче: Се укинува здравствената партиципација за деца од семејства - корисници на социјална помош

Владата на вчерашната седница донесе програма со која се ослободуваат од плаќање на здравствената партиципација децата, чии родители се корисници на правото на социјална парична помош. Со мерката ќе бидат опфатени 24.267 лица и за таа цел од буџетот се издвојуваат речиси 20 милиони денари.

Прес-конференција на портпаролот на Владата на Република Македонија, Миле Бошњаковски по редовната 61-ва седница на Владата на Република Македонија

Прес-конференцијата на портпаролот на Владата на Република Македонија, Миле Бошњаковски по редовната 61-ва седница на Владата на Република Македонија.

Премиерот Заев за одлуката на Влада за Казандол: Се раскинува договорот за рудникот поради неисполнување клучна обврска

Донесовме одлука за едностран раскин на договорот за концесија за експлоатација на минерална суровина, бакар, злато и сребро, на локалитетот Казандол - општина Валандово, општина Богданци и општина Дојран, врз основа на член 44 став 3 од законот за концесија и јавно приватно партнерство.

Средба на премиерот Заев со министерката Кнајсл: Фокусот на австриското претседателство ќе биде поврзување на Западен Балкан и интеграции кон ЕУ, има интерес и за нови инвестиции

На средбата се потенцирани добрите релации помеѓу двете држави на политички и на економски план и е изразено заедничко уверување дека е отворен простор за продлабочување на билатералната соработката во сите области.

Владата на Република Македонија денеска ќе ја одржи својата редовна 61-ва седница

На дневниот ред на денешната седница на Владата на РМ ќе се најде информацијата за предлог договор за доделување на државна помош на Друштвото за производство и трговија „Костал Македонија“ ДООЕЛ, Охрид, која доаѓа на предлог на Дирекцијата за технолошки индустриски развојни зони.

Министерот Димитров ги прими копиите од акредитивните писма на новите амбасадори на Република Танзанија, Големото Војводство Луксембург и Кралството Данска во Република Македонија

На првиот акредитиран танзаниски амбасадор во Република Македонија, со седиште во Рим, Н.Е. г-дин Џорџ Кахема Мадафа, министерот Димитров му посака многу успех во дипломатската мисија и изрази уверување дека амбасадорот Мадафа ќе остави личен печат во развојот на односите меѓу двете земји.

Министерот Поповски: Трајна е заложбата на Владата, преку транспарентност и отчетност да биде во служба на граѓаните

Министерот без ресор, задолжен за комуникации, отчетност и транспарентност, Роберт Поповски, денеска учествуваше на дебатата „Предизвици на Владата и институциите во зголемување на транспарентноста пред медиумите и граѓаните" во организација на Здружението на новинарите на Република Македонија (ЗНМ) и Онлимит Медиа.