Соопштенија

Силни пораки од Трст на светско политичко ниво: Премиерот Заев се сретна и со претставникот на британската премиерка Меј, Борис Џонсон, во Македонија се гледа мотор на регионот кон ЕУ и НАТО

Оценката што ја соопшти министерот за надворешни работи, Џонсон е дека Македонија е конечно на вистинскиот правец и најави дека Велика Британија ќе направи се што може да и помогне на нашата држава за влез во НАТО и во ЕУ. 

Средба на премиерот Заев со канцеларката Меркел: Германија силно ја поддржува новата реформска Влада на Македонија

Владата е одлучна да ги спроведе потребните реформи и да ја осигура евро-атлантската иднина на Македонија, а со тоа и квалитетен живот за граѓаните. 

Прогласена кризна состојба поради напливот на мигранти

Владата на Република Македонија на вчерашната седница донесе одлука за прогласување на кризна состојба во регионот на јужната и на северната државна граница поради зголемениот наплив на мигранти, со што согласно правните прописи се отвора можност за соодветен ангажман и на АРМ, информира денеска на прес-конференција портпаролот на МВР Иво Котевски.

Премиерот Заев со претставници на „Ротари Дистрикт 1912“: Вашето мото „Да бидеме инспирација“ останува како влог за идната млада популација

Премиерот Заев, на средбата ја поздрави мисијата на организацијата, особено нивното начело за оваа и идната година кој се води од мотото „Да бидеме инспирација“, а се однесува на младата популација, која преку учење на чесност, почитување, хуманост останува како влог за перспективна иднина.

Премиерот Заев оствари работна средба со раководството на ИВЗ

Претседателот на Владата на Република Македонија, Зоран Заев, придружуван од директорот на Комисијата за односи со верски заедници, Дарјан Сотировски, денеска оствари средба со раководството на Исламската верска заедница во Република Македонија, предводено од Реис Ул Улема Хаџи Сулејман Ефенди Реџепи.

Прес-конференција на портпаролите на Владата на Република Македонија, Миле Бошњаковски и Муамет Хоџа и министерот Роберт Поповски по редовната 64-та седница на Влада

Видео од прес-конференцијата на портпаролите на Владата на Република Македонија, Миле Бошњаковски и Муамет Хоџа и министерот задолжен за комуникации, отчетност и транспарентност, Роберт Поповски на која информираа за одлуките донесени на редовната 64-та владина седница.

Бектеши: Исцрпени се средствата за субвенции за ПВЦ прозорци и сончеви колектори

„Еден од главните приоритети на Владата и на Министерството за економија е да го подобри квалитетот на животот на своите граѓани. Во енергетскиот сектор креиравме политики и мерки кои овозможуваат промоција на обновливите извори на енергија, унапредување на енергетската ефикасност, а со тоа и заштеди во домашните буџети и заштита на човековата околина. Овие мерки предизвикаа огромен интерес кај домаќинствата, а распределбата на поддршката е реализирана по принципот „прв дојден, прв услужен“, сѐ до целосно искористување на предвидените средства за оваа намена. Така, за сончеви колектори пристигнаа над 900 апликации, а буџетот беше шест милиони денари, додека за ПВЦ прозори беа доставени повеќе од 1.400 барања, за буџетот од 30 милиони денари“, истакна министерот.

Премиерот Заев на средба со ученици-иноватори: Се радуваме што тим на вредни и креативни ученици ќе ја промовира Македонија на светската мапа на млади иноватори и затоа ја заслужуваат нашата поддршка

„Овој тим од вредни, креативни и посветени ученици и нивниот пронајдок – Робот кој извршува задачи во областа хидродинамиката, ќе ја претстави и промовира Република Македонија на светската мапа на млади иноватори и затоа ја заслужуваат сета наша поддршка. Да им честитаме на учениците, но и на нивните професори и ментори кои се заслужни за успешно завршената работа“, рече премиерот Заев.

Средба на министерот Адеми со претседателката на Совет на Град Гетеборг, Лена Малм во Кралството Шведска

Дополнително, министерот Адеми истакна дека дијаспората има значаен удел во економските активности во државата и од тие причини, Владата на Република Македонија работи на Национална стратегија за соработка со дијаспората, која покрај економската соработка, ја акцентира потребата и од политичка, културна и образовна соработка.

Преку ИПА фондовите набавени 18 возила за МЗШВ и Платежната агенција и нова ИТ опрема со виртуелна база за МЗШВ

„Овој проект финансиран преку ИПА 2013 е значаен за техничкиот и институционалниот развој на Министерството и на Платежната агенција, што ќе придонесе за мобилноста на вработените во МЗШВ и во Платежната агенција и нивниот директен контакт со земјоделците. Овој проект се состои од најнова ИТ технологија за потребите на МЗШВ, која во моментов се инсталира, тоа се 300 „Thin Client“ компјутери кои се врзани на нова виртуелна база, тоа е најнова технологија и ние сме прво министерството во кое што се имплементира ваква ИТ опрема со која што се забрзува целата процедура на управување со документите, а со тоа и услугите кои ги даваме за земјоделците“,изјави министерот Николовски.