Претседателот на Владата на Република Северна Македонија, Талат Џафери, се сретна со претседателот на Синдикатот на работниците од управата, правосудните органи и здруженија на граѓани (УПОЗ), Трпе Деаноски и со претседателката на Синдикалната организација при јавните обвинителства во државава, Изабела Илиева и членот на Извршниот одбор на овој синдикат, Дритон Мемети.

На средбата се истакнати прашања од значење за членовите на овие синдикати односно на вработените во јавните обвинителства и судовите, но и на Синдикатот на УПОЗ.
 
Премиерот Џафери соопшти дека, како и досега, актуелните прашања дека ќе се решаваат преку дијалог со синдикатите и во рамки на социјалното партнерство, за што тој и лично ќе се заложи, согласно законските овластувања.