Таулант Цапа во македонската Влада оствари средба со премиерот. Таму лично му се извини и изрази жалење за инцидентот.

Ударот со шише, не бил знак на револт или нешто лично. Напротив, Цапа денес пред Груевски посочи дека ја почитува заедничката држава и неговата работа како премиер.

Таулант потенцира дека можноста да се сретне со премиерот за него претставува потврда за позитивните политики и определбата за заеднички соживот и меѓусебно почитување да се главните двигатели на функционирањето на државата.

Премиерот Груевски внимателно го ислуша својот гостин. Разговорот се одвиваше во пријателска атмосфера. Македонскиот премиер на крајот од средбата му посака успех и среќа во животот.

Дебарската полиција вчера на граничниот премин Блато го уапси Таулант Цапа, но тој истиот ден беше пуштен на слобода.

Премиерот Груевски со оваа средба покажа позитивни карактеристики, умешност да прости и ислуша и голема човечност.

Ниту еден политички лидер досега не седнал на маса со човек кој направил вакво дело.