Qeveria e Republikës së Maqedonisë së Veriut në mbledhjen e sotme të 97-të miratoi Vendim për ndryshimin dhe plotësimin e Programit për realizimin dhe zhvillimin e veprimtarisë në standardin e studentëve për vitin 2022, me propozim të Ministrisë së Arsimit dhe Shkencës, dhe në bashkëpunim me Ministrinë e Bujqësisë, Pylltarisë dhe Ekonomisë së Ujërave.
Me ndryshimet e propozuara, vendosen bursa të reja motivuese për studentët e regjistruar në studimet universitare të ciklit të parë në universitetet publike dhe private dhe institucionet e arsimit të lartë, në programet studimore në fushën e shkencave bujqësore, veterinarisë dhe pyjeve.
Futja e bursave të reja do të realizohet në kuadër të mjeteve buxhetore të parapara të Ministrisë së Arsimit dhe Shkencës, e cila këto ditë do të shpallë edhe konkursin për bursat e treguara për vitin akademik 2022/23.
Qeveria, në përputhje me ndryshimin e miratuar për Ligjin për shërbimet postare në lidhje me shtyrjen e liberalizimit të shërbimeve postare deri më 31.12.2023, dhe me qëllim të përmirësimit të punës financiare të ShA Posta e Republikës së Maqedonisë së Veriut, ngarkoi të gjitha institucionet shtetërore të shfrytëzojnë sistemin universal postar të ShA Posta e Republikës së Maqedonisë së Veriut, në pajtim me ndryshimet e Ligjit, ndërsa u rekomandoi të gjitha komunave dhe Qytetit të Shkupit që t’i përdorin shërbimet e SHA Posta e Republikës së Maqedonisë së Veriut.
Qeveria e shqyrtoi informacionin e Ministrisë së Transportit dhe Lidhjeve për shpalljen e shërbimit në platformën e ndërveprimit dhe portalit publik për përdorimin e të dhënave nga baza e të dhënave të transportuesve në Ministrinë e Transportit dhe Lidhjeve, gjatë kontrollit nga ana e organeve të kontrollit dhe qytetarëve.
Ministria e Transportit dhe Lidhjeve informoi se për të arritur një transparencë më të madhe dhe ndërgjegjësimin e të gjithë pjesëmarrësve në trafikun rrugor, aksesohet drejt regjistrimit të shërbimit në platformën e ndërveprueshmërisë dhe një portal të posaçëm publik “admin.transport” i destinuar për një pjesë të institucioneve, përmes të cilit do të mundësohet kontrollimi i të dhënave të futura në bazën e të dhënave të Ministrisë, nga autoritetet e kontrollit si dhe portali publik “etransport”, përmes të cilit qytetarët do të kenë mundësi të kenë qasje në të dhëna të caktuara.
Me mundësitë që ofron platforma e re, mundësohet kontrolli elektronik i ekzistencës dhe besueshmërisë së certifikatave dhe licencave të lëshuara që kontrollohen nga autoritetet e kontrollit. Me verifikimin elektronik të besueshmërisë së dokumenteve të bashkangjitura, zëvendësohet procedura e verifikimit në letër të tyre, si dhe ekzekutimi më i shpejtë dhe më efikas i kontrolleve të organeve kompetente të kontrollit.
Organeve të kontrollit u mundësohet qasje në kompanitë që janë në regjistrat e transportuesve, të dhënat për licencat e tyre, të dhënat për automjetet që zotërojnë, të dhënat për certifikatat e licencës që i përkasin një automjeti të caktuar dhe të dhënat për drejtuesit e punësuar – me të cilat shërbimet e kontrollit do të mund të të kontrollojë nëse personi është i punësuar apo jo në kompaninë transportuese, si dhe nëse posedon certifikatë të aftësisë profesionale të drejtuesit të mjetit, e cila është dokument i nevojshëm gjatë kryerjes së transportit ndërkombëtar të udhëtarëve apo mallrave në komunikacionin rrugor.
Portali publik “etransport” do t’u mundësojë qytetarëve qasjen në të dhënat që kanë të bëjnë me posedimin e licencave dhe certifikatave nga licencat për transportin e udhëtarëve dhe mallrave, si dhe kapacitetin dhe standardin ekologjik të automjeteve.
Në këtë mbledhje të Qeverisë me propozim të Ministrisë së Mbrojtjes janë marrë më shumë vendime për dërgimin e pjesëtarëve të Armatës së Republikës së Maqedonisë së Veriut, mes të cilave pjesëmarrje në: misionin e NATO-s „NATO Mission Iraq – NMI“ në Irak, në operacionin ndërkombëtar të BE-së “ALTEA”, në Bosnjë e Hercegovinë, në operacionin e NATO-s “KFOR” në Kosovë, në misionin e NATO-s “Prani e përforcuar e zgjeruar” (enhanced Forward Presence – eFP ) në Letoni, si edhe në operacionin ndërkombëtar të OKB-së, “UNIFIL” në Liban.
