Ваша Eкселенцијо,

По повод единаесеттата годишнина од случувањето на грозоморните терористички напади од 11-ти септември 2001 година, кои што воедно претставуваа и терористички напад врз демократијата и слободата во светски рамки, дозволете во името на Владата на Република Македонија и во свое лично име, да го изразам жалењето за големата загуба што семејствата на жртвите и целиот американски народ, ја претрпеа тој ден, и да ја споделиме болката и тагата за изгубените човечки животи. 

Деновиве кога се молиме за душите и спокојот на жртвите, храбрите мажи и жени, би сакал повторно да ја истакнам подготвеноста на Република Македонија и натаму да го презема својот дел на одговорноста во справувањето со сите форми на загрозување на мирот и сигурноста на глобален план, а од друга страна активно да работи на промовирање и заштита на универзалните вредности - мирот, демократијата и човековите права.

Молам, примете ги, Почитуван Претседателе, изразите на моето највисоко почитување.

Никола ГРУЕВСКИ