Zëvendësministrja e Punëve të Jashtme, Fatmire Isaki, ishte folësja kryesore në sesionin me titull “Ballkani Perëndimor në frontin e parë: Bashkëpunimi rajonal dhe reagimi kolektiv kundër ndikimeve të huaja keqdashëse”, në kuadër të Forumit të Dialogut të Prespës.

Në fjalimin e saj, Isaki e theksoi rëndësinë e marrëveshjes kolektive në ballafaqimin me ndikimet keqdashëse dhe bashkëpunimin rajonal, si imperativ për mbrojtjen e sovranitetit, stabilitetit dhe proceseve demokratike të Ballkanit Perëndimor.

"Përforcimi i institucioneve tona demokratike, forcimi i sigurisë kibernetike, luftimi i dezinformimit, nxitja e elasticitetit ekonomik dhe angazhimi me partnerët ndërkombëtarë janë dhe duhet të jenë komponentë kyç të strategjisë sonë." Vetëm duke u bashkuar do të përqafojmë vizionin tonë të përbashkët për një Ballkan Perëndimor të sigurt dhe të begatë. Forca jonë kolektive do të sigurojë që aktorët e jashtëm nuk mund të dëmtojnë përparimin që kemi bërë deri tani dhe të ardhmen e ndritur që parashikojmë për rajonin tonë. Së bashku, ne do të fitojmë kundër ndikimeve të huaja keqdashëse dhe do të ndërtojmë një Ballkan Perëndimor të qëndrueshëm që do të kontrollojë vetë fatin e tij”, tha Isaki.

“Duhet të kemi një veprim më sulmues, jo vetëm mbrojtës, kundër dezinformimit në mënyrë që të ruajmë stabilitetin në Ballkanin Perëndimor dhe të forcojmë qëndrueshmërinë në rajon. Qeveritë e Ballkanit Perëndimor duhet të ndërtojnë aftësi për t'u marrë me ndikimin keqdashës që synon rajonin. Ne duhet të fokusohemi në edukimin mediatik për të reduktuar pesimizmin e qytetarëve në BE. Ballkani duhet trajtuar si një i tërë, jo si një kënd lojërash ndikimesh gjeostrategjike”, ishin mesazhet kryesore që dolën nga debati produktiv në panel.
 

Për bashkëpunim rajonal dhe marrëveshje kundër ndikimeve të huaja keqdashëse në panel diskutimin kontribuan edhe Nikolas Faje, Ilhan Sajgili, Adrian Davidu, Vanja Petrova Valbona Zeneli dhe Andrea Stojkovski.