Kryeministri Kovaçevski sot në Kuvendin e Republikës së Maqedonisë së Veriut vuri në dukje politikat prioritare të Qeverisë dhe theksoi se kjo Qeveri me dije dhe politikë të zgjuar punon vetëm në mbrojtjen e interesave shtetërore dhe kombëtare.

Por në të njëjtën kohë dënon të gjitha provokimet e brendshme dhe të jashtme për interesa personale apo të tjera që kanë për qëllim destabilizimin e sigurisë, politik dhe ekonomik të shtetit.

“Ne bëjmë atë që neve na përshtatet. Kjo doli se është çelësi i vërtetë, në një nga momentet më të vështira të ekzistencës sonë, i derës sonë, drejt suksesit tonë si shtet dhe si popull.

Ballafaqimi i përditshëm me krizën ekonomike dhe energjetike, fillimi i negociatave me Bashkimin Evropian pas 17 vitesh pritjeje nga marrja e statusit  kandidat, me mbrojtje të plotë të gjuhës maqedonase dhe identitetit maqedonas, ndërtimin e një shoqërie për të gjithë dhe paqen që ruajmë përmes unitetit ndëretnik në planin e vendit - konfirmojnë se Qeveria është e suksesshme dhe një përfaqësuese dinjitoze e popullit, mbrojtësi, kujdestari dhe udhëheqësi i tij përpara.

Prandaj, në një Qeveri të tillë mund të ketë vend, vetëm për ata që kanë një nderim të vërtetë për të kaluarën, por nuk janë të mbyllur në të, që shikojnë përtej së sotmes dhe që në vendimet që merren i marrin parasysh përfitimet më të mëdha dhe më të rëndësishme të së ardhmes së afërt. Sepse, nëse e sotmja u përket gjeneratave të sotme, e ardhmja u përket fëmijëve tanë dhe gjeneratave të ardhshme”, tha Kovaçevski.

Ndër të tjera, Kryeministri rikujtoi detyrimin e përbashkët të të gjithë palëve të interesuar socialë, në ndërkohë duke theksuar:

“Siç kemi trashëguar të kaluarën, e tashmja është obligimi ynë për të krijuar të ardhmen dhe për t'ua përcjellë atë gjeneratave të ardhshme. Ky është misioni ynë,  detyrim i shenjtë nga i cili nuk tërhiqemi. Jemi të ftuar, e kaluara na ka ngarkuar, të krijojmë një shtet të avancuar, të hapur drejt përparimit të mëtejshëm.

Para nesh është një periudhë jashtëzakonisht e rëndësishme në të cilin  duhet të dimë  të punojë: zellshëm - sipas standardeve evropiane; duke u bashkuar – në frymën evropiane dhe me guxim – për të marrë vendime, e jo për të kalkuluar me vlerësime personale”, tha Kovaçevski.