Претседателот на Владата на Република Македонија, Зоран Заев, вчера во Охрид присуствуваше на отворање на новиот хотел во градот.

Поздравувајќи ги присутните гости, меѓу кои беа и министерот за транспорт и врски Горан Сугарески, министерот за здравство Венко Филипче, министерот за внатрешни работи Оливер Спасовски, како и претставници на локалната администрација со градоначалникот на Охрид Јован Стојаноски, премиерот Заев упатати искрени честитки и желби за почеток на успешна и плодоносна работа на сопствениците и менаџментот на новиот туристичко-угостителски капацитет.

Во оваа прилика премиерот Заев рече дека оваа инвестиција е доказ дека веќе докажани компании влегуваат со своите инвестиции, помагајќи ја севкупната инвестициона активност во Република Македонија.

Тој во своето поздравно обраќање, истакна дека новите инвестиции се нова вредност во економијата. Како и тоа дека ова е потврда дека деловната клима се стабилизира и дека се отвораат можности за нови инвестиции, а со тоа и нови работни места.

„Ова е охрабрување за сите наши домашни инвеститори, градители, изведувачи, сето она што ќе го заработат да го остават овде во Македонија, за да им остават на наредните генерации подобри можности“, рече премиерот Заев.

Тој ги истакна заложбите и политичката волја на Владата на Република Македонија да гради партнерски однос со бизнис заедницата, преку редовна и интензивна комуникација за потребите на бизнисот и за унапредување на економијата.

Претседателот на Владата на Република Македонија, Зоран Заев, заменик претседателот на Владата задолжен за економски прашања и координација со економските ресори, Кочо Анѓушев, придружувани од градоначалничката на општина Битола, Наташа Петровска и пратениците Александар Кирацовски и Горан Милевски во текот на вчерашниот ден беа во посета на компанијата Кромберг и Шуберт којашто работи во индустриската зона Жабени.

Во рамки на работната посета на компанијата премиерот, владините претставници и пратениците беа во обиколка на производствените погони каде што имаа прилика одблиску се запознаат со производствените процеси и начинот на работа на фабриката.

По обиколката премиерот Заев и вицепремиерот Анѓушев остварија работна средба со Уве Шилиг, технички директор и Тања Милисковиќ, комерцијален директор на компанијата Кромберг и Шуберт.

На средбата беа презентирани информации за обемот и перформансите на интернационалата компанијата којашто работи неколку години во Република Македонија и којашто вработува над 6.000 работници од битолскиот регион. Од презентацијата беше заклучено дека оваа компанија од своите вкупни набавки релаизира 1/3 од домашни добавувачи. Ваквата соработка со домашните компании беше поздравена и беа охрабрени директорите на компанијата да аплицираат по мерките од Планот за економски раст кои се однесуваат на поддршка за зголемена соработка со домашни компании.

Се разговараше и за предизвиците со коишто се соочува оваа компанија како и за идните планови коишто се однесуваат на нови инвестиции.

Премиерот Заев и вицепремиерот Анѓушев изразија силна поддршката од владата за странските компании и го охрабрија менаџментот на компанијата Кромберг и Шуберт да продолжи со инвестициските активности во Македонија.

Премиерот Заев порача дека Владата на Република Македонија работи како партнер и сервис на бизнисот во насока на надминување на сите предизвици и состојби и и за обезбедување на поволна деловна клима и услови за непречена работа и раст на компаниите.

Претседателот на Владата на Република Македонија, Зоран Заев и заменик претседателот задолжен за економски прашања и координација со економските ресори, Кочо Анѓушев денеска се во работна посета на Битола.
 
Во рамки на работната посета во општинската зграда на општина Битола премиерот Заев, вицепремиерот Анѓушев и градоначалничката Наташа Петровска остварија работен состанок со претставници на бизнис секторот од битолскиот крај со кои разговараа за мерките за поддршка од Планот за економски раст, за отворените можности за нови инвестиции и раст на конкурентноста, за предизвиците со кои бизнисот се соочува, како и за политиките на поддршка на раст на платите и новата мерка за поддршка на раст на платите до 18.000 денари во трудоинтензивните дејности.
 
На овој работен состанок на кој премиерот Заев, вицепремиерот задолжен за економски прашања и координација со економските ресори, Кочо Анѓушев ги презентираа мерките за поддршка на мали и средни претпријатија и политиките за поддршка на пораст на платите.
 
Премиерот Заев ги повика претставниците од бизнис секторот од Битола и битолскиот крај да аплицираат по мерките, да ги исцрпат предвидените средства бидејќи целта е сите заедно да придонесеме кон раст и развој на економијата што е предуслов за подобар животен стандард за сите граѓани на Република Македонија.

 

 

Премиерот Заев истакна дека во државниот буџет обезбедени се рекордни средства во висина од 10,5 милиони евра за поддршка на малите и средни претпријатија.
 
„Економскиот план обезбедува поддршка и за брзорастечките компании, таканаречени „газели“, со 30% поврат на направените инвестиции. За микро компаниите овозможуваме поддршка до 30% од направените инвестиции и за развој на иновативноста на микро, малите и средни компании со поврат до 70% од направените инвестиции во активности поврзани со иновации“, нагласи премиерот Заев.
 
Претседателот на Владата на РМ рече пред битолските стопанственици дека Владата на Република Македонија и економските ресори ги продолжуваат политиките на пораст на платите и рече дека со оваа мерка државата обезбедува директна финансиска поддршка од 30 % од растот на бруто плата на работници во трудоинтензивните дејности.
 
Заменик претседателот на Владата задолжен за економски прашања и координација со економските ресори, Кочо Анѓушев се обрати пред присутни стопанственици и ги повика да аплицираат по мерките од Планот за економски раст кои веќе се активни, и за кои рече дека предизвикуваат голем интерес. Како што информираше вицепремиерот за овој краток временски период веќе се доставени 170 апликации по мерките за поддршка од третиот столб.
 
„Генералната идеја е да им помогнеме на оние компании коишто имаат потенцијал, да растат и да ја зголемуваат соработката со сите компании и на тој начин да им помогнат и на другите компании да остваруваат раст со што сите економски субјекти би придонеле заедно кон економски раст на државата“, истакна вицепремиерот Анѓушев.
 
Заменик претседателот на Владата задолжен за економски прашања, Анѓушев зборуваше за критериумите за аплицирање, рече дека текстилната и кожарската индустрија се ослободени од вториот критериум којшто се однесува за ненамалување на просечниот број на вработени и ги објасни мерките за поддршка коишто се однесуваат на мали и средни претпријатија.
 
„Мерките важат за сите компании. Најголема поддршка е определена за микро, мали и средни претпријатија. Јас сум среќен што на објавениот оглас на Фондот за иновации и технолошки развој којшто е отворен до јули веќе се пристигнати 170 апликации што значи интересот е голем,“ соопшти вицепремиерот Анѓушев.

 

 

 

Големиот број на присутни стопанственици ги споделија со владините своите размислувања, ги поздравија политиките на поддршка на приватниот сектор и изразија позитивни очекувања за понатамошна соработка за надминување на предизвиците со кои се соочува бизнисот.
 
На самиот крај од работниот состанок премиерот и вицепремиерот ги потврдија силните заложби на Владата на Република Македонија да гради партнерски однос со бизнис заедницата важен за напредок и развој на економијата.

Првиот договор фирмата Тотал Инженеринг ДООЕЛ Струмица со Владата на Република Македонија го има потпишано во 2015 година, во времето кога премиер на владата беше Никола Груевски.

Тој договор бил за истражување на минерална суровина – глина, во с. Дукатино“, Општина Василево.

Следствено на постапката за доделување концесии за експлоатација на минерални суровини, која се практикува со сите концесионери, Владата на Република Македонија, на 65 седница одржана на 24.04.2018, по претходно утврдена постапка во која се запазени сите законски и правни регулативи и се добиени позитивни мислења од сите надлежни институции, ја усвои одлуката да се додели концесија и за експлоатација на минерална суровина – глина на фирмата ТОТАЛ ИНЖЕНЕРИНГ ДООЕЛ Струмица на локалитетот “с. Дукатино“, Општина Василево. 

Владата на Република Македонија ја има донесено одлуката по претходна постапка во која се исполнети сите правни предуслови за позитивен одговор во однос на добивање на концесијата. 

Позитивно мислење е добиено од сите надлежни институции и тоа: Министерство за транспорт и врски, Министерство за култура, Општина Василево, Управа за заштита на културно наследство, Министерство за финансии и Министерство за животна средина. 

По завршување на претходната постапка, Министерство за економија ја ставило одлуката на дневен ред и истата е усвоена. 

Записникот од 65 седница ќе биде јавно објавен во согласност со вообичаената пракса и процедура после неговото усвојување на некоја од наредните седници на влада. 

Објавувањето на одлуката во службен весник е исто така вообичаена пракса и процедура независно од постапката за објавување на сублимарниот записник од владините седници.
 

Mинистерот за информатичко општество и администрација Дамјан Манчевски, денеска се обрати на завршниот панел на Петтата конференција за медиуми на Југоисточна Европа што изминатите два дена се одржуваше во Струга, во организација на Канцеларијата на претставникот за слобода на медиумите на ОБСЕ, Арлем Дезир со поддршка на теренските операции на ОБСЕ во Југоисточна Европа.  

Како што истакна министерот Манчевски, Канцеларијата на ОБСЕ и Владата имаат заеднички став во однос на тоа колку е важна медиумската слобода, колку е неопходно да имаме силен и независен јавен радиодифузен сервис и кои се потребните реформи во медиумската сфера во Македонија

„Владата се залага за создавање медиумски простор за непристрасно и објективно информирање на граѓаните. Наша цел е МРТ да биде целосно непристрасен и независен медиум, а регулаторните тела да бидат транспарентни, професионални и компетентни. Особено е важно во регулаторните тела и националниот радиодифузер да не членуваат високи партиски функционери, поренешни пратеници, кандидати за градоначалници и роднини на партиски функционери, како што е тоа сега. Регулаторните тела и МРТВ треба да се остават на медиумските работници. Медиумите треба да се остават на медиумските работници“, истакна министерот Манчевски.

Министерот Манчевски се осврна на измените на Законот за АВМУ, кои подготвени со сите засегнати страни, гарантираат услови за професионализација на медиумските тела. Овозможуваат слободно и независно работење на медиумите во државата. Најважно од се, даваат шанса политичарите да ги тргнат рацете од медиумите.

„Во моментот Законот е во Собраниска процедура. Јас сеуште искрено сакам да верувам дека колегите од опозицијата ќе ја увидат потребата од што поскоро носење на овој закон. Но, за жал тоа по се изгледа не е така. Токму вчера бевме сведоци на амандманска расправа во Комисијата за транспорт и врски во Собранието, каде пратениците од опозицијата беа против јавно претставување на кандидатите за членови на Советот на АВМУ и Програмскиот совет на МРТВ. Да се биде против транспарентност и јавност во изборот на независни регулаторни тела, е да се биде против демократските вредности и слободата на медиуми. Тоа нема да го дозволиме. Никогаш повеќе нема да дозволиме политичарите да се пазарат зад затворени врати, а граѓаните да дознаваат за одлуките, откако тие веќе ќе бидат донесени. Се надевам дека и опозицијата ќе го сфати тоа“, информираше министерот Манчевски.

Во својот завршен говор министерот Манчевски, даде осврт на дигитализацијата и слободата на говор, како и на глобалниот проблем со „лажните вести“.

Како што рече тој, тоа што Македонија го прави е на ниво на зголемена и активна транспарентност во работењето на институциите. Овој тип на работење се темели на три основни столбови: демократизација на медиумскиот амбиент, активна транспарентност и зголемен пристап до информации.

„Медиумите и медиумските работници се тие кои треба да бидат мотор на промените. Не смееме да се доведеме во состојба каде поради нарушените медиумски слободи, политичарите, партиите или меѓународната заедница да интервенира, како што беше тоа случај изминатите 2-3 години. Доброто владеење и слободата на медиумите се меѓусебно зависни. Само кога новинарите ќе добијат простор да работат слободно, да набљудуваат, да поставуваат прашања и да известуваат, без страв од притисоци и закани, само тогаш сите граѓани можат да бидат сигурни дека носителите на одлуки ќе се придржуваат до највисоките стандарди“, заклучи министерот Манчевски.

 

Претседателот на Владата на Република Македонија, Зоран Заев придружуван од вицепремиерот Кочо Анѓушев, денеска во Охрид го отвори Форумот на ЈИЕ на оператори на електрична енергија.

 

Премиерот Заев потенцираше дека ваквиот собир ги зголемува надежите за зголемување на транспарентноста и конкурентноста меѓу сите учесници на пазарот на електрична енергија, а со крајна цел поевтина електрична енергија за сите крајни потрошувачи.

 

Тој, во името на Владата на Република Македонија, и од името на граѓаните на Македонија, искажа задоволство за напорите за креирање на единствен пазар на електрична енергија.

 

 

„Уверен сум дека работното мото кое сте го определиле за овој форум - „Границите да станат мостови“, ќе биде инспирација да ги вложите сите ваши искуства и знаења за реализација на вашите планови за зголемување на соработката и за намалувањето на бариерите кои постојат меѓу националните електропреносни системи, како клучен предуслов за создавање на единствен пазар, односно за олеснување на трговијата со електрична енергија“, рече премиерот во своето обраќање на Форумот.

 

Во изјава за медиумите кои го следеа настанот, премиерот Зоран Заев потенцираше дека овој собир во крајна линија ќе донесе конкурентни цени на електрична енергија за потрошувачите, а тоа го кажуваат и искуствата на западноевропските земји кои веќе имаат единствен пазар за електрична енергија.

 

Вицепремиерот Анѓушев потенцираше дека стремежот посебно на малите земји како што е Република Македонија е во регионално поврзување на  пазарот на електрична енергија и инвестиции во енергетиката, а сѐ со цел бенефитот да го почувствуваат граѓаните преку пониски цени на електричната енергија.

 

„Ние денеска, и покрај тоа што сме во посиромашниот дел од Европа, ние сѐ уште имаме повисоки пазарни  цени на електрична енергија од тоа што го има Европа. Причината за таа работата е заради тоа што развиениот дел од Европа има повеќе инвестирано и во производствени и во преносни капацитети, за разлика од нашиот регион каде електрична енергија во извесни делови е се уште дефицитарен и увозен производ. Само со градење на капацитети во делот на производството а посебно каде што вие управувате во делот на преносните линии, односно на далекуводите кои што се на високо напонско ниво, над 110 киловолти, можеме да гарантираме сигурност за нашите граѓани“, рече вицепремиерот Анѓушев пред присутните учесници на Форумот.

 

Василевски, генералниот директор на МЕПСО истакна дека форумот во Охрид е од исклучителна важност за енергетската иднина.

 

 

„Зголемувањето на транспарентноста и конкурентноста меѓу производители, снабдувачи и трговци ја создава толку посакуваната цел, а таа е конкурентност и во цените на електричната енергија како опција најповолна за потрошувачите“, рече директорот на МЕПСО, Василевски.

 

На форумот учествуваат највисоки претставници односно генерални директори, извршни директори, претседатели на управни одбори на операторите на електропреносните системи: МЕПСО од Македонија, ОСТ од Албанија, ЕМС од Србија, ЕСО од Бугарија, КОССТ од Косово, НОС од Босна и Херцеговина и високи претставници на управите на систем-операторите од АДМИЕ од Грција, ХОПС од Хрватска и ЕЛЕС од Словенија.

 

Воедно тука се и првите луѓе на регионалниот Центар за сигурносна координација (СЦЦ) и на СЕЕ ЦАО заедничката компанија која организира аукции на расположливи прекугранични капацитети, како и претставник на ЕНТСО Е.

Интегрално обраќање на Претседателот на Владата на Република Македонија, Зоран Заев на отворањето на хотелот Меркур во Тетово:

 

Почитувани гости,

Почитуван амбасадор на Република Франција, Тимоние,

Почитуван претседател на ДУИ, Али Ахмети,

Почитуван поглавар на Исламската верска заедница, Хаџи Сулејман ефенди Реџепи,

Почитуван сопственик и менаџмент на хотелот Меркур,

На самиот почеток дозволете да Ви упатам искрени честитки и желби за почеток на една успешна и плодоносна работа.

На мое огромно задоволство денеска присуствувам на свеченото отварање на хотелот Меркур.

Вашата инвестиција создава услови и отвора потенцијал градот Тетово да прерасне во атрактивна дестинација препознатлива на регионалната и европска туристичката мапа.

Новите инвестиции се нова вредност во економијата. Вашата инвестиција претставува нова вредност за градот Тетово и за Република Македонија.

Ова е потврда дека деловната клима се стабилизира и се повеќе шанси и можности за нови инвестиции се отвораат.

Очекувам да постигнете многу позитивни резултати на економски план. Посакувам да реализирате уште многу нови инвестиции во Македонија.

Владата на Република Македонија гради партнерски однос со бизнис заедницата. Имаме слух за потребите на бизнисот и политичка волја заедно да ги надминуваме и унапредуваме состојбите во економијата. Во тој дух упатувам искрени желби за плодоносна соработка.

Уште еднаш честитки и Ви посакувам успех во работата!

Човечкото општество е изградено врз основа на принципот на натпреварот помеѓу поединци и меѓу општества – рече Претседателот на Владата на Република Македонија, Зоран Заев, на денешното отворање на Гимназијадата во Тетово.

Поздравувајќи ги присутните ученици од повеќе средни школи во Македонија, градоначалничката на Тетово, Теута Арифи, директорот на Агенцијата за млади и сорт, Дарко Каевски, пратеници, спортисти и спортски работници, тој додаде:

Повисоко, подалеку, побрзо, посилно. Тоа се стремежите на спортистите, тоа се и стремежите и на нашето општество. 

Драги ученици, почитувани спортисти, наши деца, добар ден.

Присуството и отворањето на секој спортски настан, ми претставува посебно задоволство, затоа што во секоја таква прилика гледам дополнителен мотив за Владата која ја предводам да остане посветена на здравјето на граѓаните преку активно унапредување и збогатување на спортските политики.

За нас како влада, но и како луѓе пред се, развојот на спортот и спортските навики е главното оружје со кое сакаме да го заштитиме здравјето на граѓаните од сите возрасти, социјални групи и средини.

Спортот има многу важна улога во поттикнување на социјалната интерактивност, проактивноста, во градење толерантни и отворени заедници, кои во големата слика прават едно заедничко општество. Едно општество за сите.

Системската поддршка на спортот од страна на државата исто така е клучна и за остварувањето на високи спортски резултати, за обезбедување достоинствени услови за живот и работа на спортистите и спортските работници.

Затоа училиштата ни се од исклучителна важност во намерата да инвестираме, со сите расположливи ресурси и капацитети во развојот на спортската инфраструктура и условите за спортувањето како начин на живот, во Република Македонија.

Спортските навики се доблести. Дисциплина, тимска работа, почит, лидерство, солидарност.

Поради тоа, и многу други причини, Владата создава услови за зголемен број на часови по спорт во основните и во средните училишта.

Го враќаме спортот во училиштата со креирање спортски систем со кој ќе се започне со натпревари и активности од класните и меѓу-класните натпревари во училиштата, завршувајќи со национален систем на натпревари со учество на училишни победници и репрезентации од секоја општина во сите степени од образованието.

Ги поддржуваме и Националните спортски федерации во креирањето современ, национален систем на натпревари и ја почитува самостојноста на Федерациите, затоа што во духот на спортот, за нас тие се екипа. 

Драги деца, спортисти, почитувани професори и спортски работници.

Со апел за спортски фер-плеј и натпреварувачки дух, ви посакувам успешна игра, и силна заедница.

Ја прогласувам оваа гимназијада за отворена.

Човечкото општество е изградено врз основа на принципот на натпреварот помеѓу поединци и меѓу општества – рече Претседателот на Владата на Република Македонија, Зоран Заев, на денешното отворање на Гимназијадата во Тетово.

Поздравувајќи ги присутните ученици од повеќе средни школи во Македонија, градоначалничката на Тетово, Теута Арифи, директорот на Агенцијата за млади и спорт, Дарко Каевски, пратеници, спортисти и спортски работници, тој додаде дека и заложбите на Владата на Република македонија во градењето едно општество за сите, се во духот на спортското кредо, повисоко, подалеку, побрзо, посилно.

Тој нагласи дека Владата останува посветена на зачувување на здравјето на граѓаните од сите возрасти, социјални групи и средини, преку активно унапредување и збогатување на спортските политики.

Премиерот исто така истакна дека во рамки на владините заложби се дава системската поддршка на спортот од страна на државата за обезбедување достоинствени услови за живот и работа на спортистите и спортските работници, и затоа, како што рече тој, училиштата се од исклучителна важност во инвестирањето за спортувањето како начин на живот, во Република Македонија.

„Владата создава услови за зголемен број на часови по спорт во основните и во средните училишта. Го враќаме спортот во училиштата со креирање спортски систем со кој ќе се започне со натпревари и активности од класните и меѓу-класните натпревари во училиштата, завршувајќи со национален систем на натпревари со учество на училишни победници и репрезентации од секоја општина, во сите степени од образованието. Ги поддржуваме и Националните спортски федерации во креирањето современ, национален систем на натпревари“, рече премиерот Заев. 

Директорот на Агенцијата за млади и спорт во своето обраќање на отворањето на гимназијадата рече дека училишните средини се најпогодно место за развој на спортот од аспект на масовност и од аспект на квалитет.

„Агенцијата за млади и спорт во своите определби се насочува кон безрезервна поддршка на училишниот спорт со цел да се овозможи масовно учество во спортот на учениците од сите возрасти, од сите социјални групи без оглед на етничката и верската припадност“, рече Каевски.

Градоначалничката на Тетово, Теута Арифи, поздравувајќи ги организаторите и учесниците, во својот говор истакна дека уште од времето на античка Грција идејата за учењето била баланс помеѓу интелектуалната и физичката сила.

„Тоа балансирање, помеѓу интелектуалната и физичката сила, е она што цивилизацијата ја прави цивилизација, и токму поради тоа ова е многу важна активност на која ни е чест што сме домаќини“, рече пред присутните градоначалничката Теута Арифи.


Човечкото општество е изградено врз основа на принципот на натпреварот помеѓу поединци и меѓу општества – рече Претседателот на Владата на Република Македонија, Зоран Заев, на денешното отворање на Гимназијадата во Тетово.

Поздравувајќи ги присутните ученици од повеќе средни школи во Македонија, градоначалничката на Тетово, Теута Арифи, директорот на Агенцијата за млади и сорт, Дарко Каевски, пратеници, спортисти и спортски работници, тој додаде:

Повисоко, подалеку, побрзо, посилно. Тоа се стремежите на спортистите, тоа се и стремежите и на нашето општество. 

Драги ученици, почитувани спортисти, наши деца, добар ден.

Присуството и отворањето на секој спортски настан, ми претставува посебно задоволство, затоа што во секоја таква прилика гледам дополнителен мотив за Владата која ја предводам да остане посветена на здравјето на граѓаните преку активно унапредување и збогатување на спортските политики.

За нас како влада, но и како луѓе пред се, развојот на спортот и спортските навики е главното оружје со кое сакаме да го заштитиме здравјето на граѓаните од сите возрасти, социјални групи и средини.

Спортот има многу важна улога во поттикнување на социјалната интерактивност, проактивноста, во градење толерантни и отворени заедници, кои во големата слика прават едно заедничко општество. Едно општество за сите.

Системската поддршка на спортот од страна на државата исто така е клучна и за остварувањето на високи спортски резултати, за обезбедување достоинствени услови за живот и работа на спортистите и спортските работници.

Затоа училиштата ни се од исклучителна важност во намерата да инвестираме, со сите расположливи ресурси и капацитети во развојот на спортската инфраструктура и условите за спортувањето како начин на живот, во Република Македонија.

Спортските навики се доблести. Дисциплина, тимска работа, почит, лидерство, солидарност.

Поради тоа, и многу други причини, Владата создава услови за зголемен број на часови по спорт во основните и во средните училишта.

Го враќаме спортот во училиштата со креирање спортски систем со кој ќе се започне со натпревари и активности од класните и меѓу-класните натпревари во училиштата, завршувајќи со национален систем на натпревари со учество на училишни победници и репрезентации од секоја општина во сите степени од образованието.

Ги поддржуваме и Националните спортски федерации во креирањето современ, национален систем на натпревари и ја почитува самостојноста на Федерациите, затоа што во духот на спортот, за нас тие се екипа.

Драги деца, спортисти, почитувани професори и спортски работници.

Со апел за спортски фер-плеј и натпреварувачки дух, ви посакувам успешна игра, и силна заедница.

Ја прогласувам оваа гимназијада за отворена.

Mинистерот без ресор, задолжен за комуникации, транспарентност и отчетност Роберт Поповски, денеска се обрати на отворањето на Петтата конференција за медиуми на Југоисточна Европа која денеска и утре (11-12 мај) се одржува во Струга, во организација на Канцеларијата на претставникот за слобода на медиумите на ОБСЕ, Арлем Дезир со поддршка на теренските операции на ОБСЕ во Југоисточна Европа.

 

 

Целта на Конференцијата, на која учествуваат меѓународни и локални експерти и членови на медиуми од Југоисточна Европа, е да се обезбеди платформа која преку отворањето на дискусии за низа прашања, како што се безбедноста на новинарите, условите за работа на новинарите и медиумските работници, зајакнувањето на јавните сервисни радиодифузери, медиумската саморегулација и почитувањето на професионалните стандарди и лажните вести, ќе создаде услови за подобрување на медиумскиот простор во регионот, вклучително и преку презентирање на најдобрите практики.

Во своето обраќање, министерот Поповски говорејќи за значењето на слободата на изразувањето, вклучувајќи ја тука како што рече и слободата на медиумите како четврта власт во демократските општества, ги означи како едни од универзалните човекови права, признати и заштитени со соодветни документи од највисоките меѓународни организации.

„Кога Република Македонија беше обележана како „заробена држава“ беше така квалификувана и заради крајно загрижувачките извештаи за состојбата со слободата на медиумите и на изразувањето во државата. Посебен акцент беше ставен на лошата ситуација, во која се наоѓаат медиумите во однос на нивната основна функција, слободно и без притисоци да ја информираат јавноста за сите релевантни прашања во општеството”, рече Поповски, и нагласи дека важен фактор за слободата на медиумите и изразувањето е овозможувањето на услови и средина во која ќе се практикува слободното информирање без притисоци.

Министерот Поповски потенцираше дека актуелната Влада, по крајот на политичката криза во Република Македонија демонстрираше силна политичка волја за спроведување на медиумските реформи на најтранспарентен начин, заложувајќи се за подобрување на условите за работење на медиумите во соработка со медиумските претставници.

„Во согласност со своите темелни принципи за транспарентност и инклузивност, најавивме и покажавме дека при донесувањето на законите и законските измени, целта на Владата е да се чуе гласот на медиумските професионалци, тие да бидат моторот на медиумските реформи, а ние подоцна да помагаме со механизми за нивна имплементација”, оцени Поповски.

Осврнувајќи се на предложените измени во медиумската легислатива, кои се во последната фаза од донесувањето во Собранието на Република Македонија, министерот Поповски ја повтори заложбата на Владата за целосна независност во медиумската сфера, преку професионализирање и департизирање на националниот сервис и Агенцијата за аудио и аудиовизуелни медиумски услуги.

„Целта ни беше, што е можно повеќе да ја намалиме улогата на Владата и затоа покрај суштинските консултации со сите субјекти во медиумската сфера, во носењето на законските измени, побаравме поддршка и од опозицијата, за да создадеме целосно независен јавен сервис и да создадеме услови за целосна независност и ослободување од било какви можности за влијанија врз регулаторот, Агенцијата за аудио и аудиовизуелни медиумски услуги”, порача Поповски.

Според него, по прашањето за јавниот радиодифузен сервис особено е значајно да дојде до израз и почитувањето на концептот на едно општество за сите, за да може, Македонската радиотелевизија (МРТВ), растоварена од политичкото или било кое друго влијание, да се издигне во вистински репрезент на културните и политичките различности.

Министерот Поповски во својот говор се осврна и на неодамна презентираните податоци по повод Светскиот ден за слободата на медиумите, според кои, статистички најризична професија во изминатата година била новинарската професија, која ги вклучува и сите останати медиумски работници. Тој оцени дека тие тажни факти опоменуваат дека не смее да има застој во борбата за заштита на новинарите и во борбата за создавање услови за нивно непречено извршување на професионалните обврски.

„Оттаму, за Владата што ја претставувам на оваа конференција, не постои никаква толеранција за никакви притисоци, закани, уцени врз новинарите и медиумските работници. Нула толеранција за било каков обид за загрозување на слободата на говорот и изразувањето“, нагласи Поповски.

Тој повтори дека Владата, отворено осудувајќи ги сите напади што се случија во изминатиот период кон новинарите и медиумските работници, инсистира на правна разрешница на сите случаи на закани и додаде дека принципот на нула толеранција се однесува и на неказнивоста во однос на насилниците врз слободата на медиумите и врз слободата на изразувањето на медиумските работници.

Истакнувајќи ја заложбата за силна поддршка за истражувачкото новинарство, министерот Поповски потсети на мерките и чекорите кои ги презеде актуелната влада за полесен пристап до информациите во сопственост на владините институции, во согласност со политиките на транспарентност и отчетност.

Поповски на медиумските работници им порача дека секогаш ќе ја имаат поддршката на Владата при преговорите и разговорите за подобрување на условите за работа, за нивно соодветно вреднување и подигање на професионалните стандарди.

„Суштината на медиумскиот бизнис лежи во информациите, т.е. испорачување на вистина преку објективно и целосно информирање на јавноста и сето тоа сторено со почитување на етичките правила. На тој начин, со само регулацијата се штитат и универзалните човекови права - слобода на изразување и право на информирање, и слободните и професионални медиуми”, рече Поповски надоврзувајќи се дека само регулацијата е концептот од кој ќе произлезе и алатката за борба против модерниот, глобален тренд - лажните вести.

„Градот Велес стана синоним на лажните вести, но јас денеска уште еднаш ве повикувам сите вас - да направиме да биде синоним на борбата против нив. Вистината е оружјето, а проверката на фактите алатка”, оцени министерот Поповски, кој истакна дека е застапник на организиран фронт за борба против лажните вести, следејќи го принципот дека секоја Влада заедно со новинарите, медиумите и граѓаните, треба да бидат на чело на тој фронт против лажните вести.

Претставникот на ОБСЕ, Дезир подвлече дека медиумите се општо добро, како воздух и вода, и служат на интересите на секој сектор на општеството, кога тоа е здраво, слободно и заштитено. Во своето уводно излагање, тој ја истакна силната потреба новинарите да дејствуваат заедно во духот на солидарноста и подвлече дека медиумите се најдобри кога новинарите можат да работат заедно, да ги изложуваат прашањата во општеството, како што е корупцијата, за да ги нагласат фактите и да ги објавуваат различни мислења за нив.