Интерен оглас број 04/2018 за унапредување на административен службеник

Врз основа на член 11,  член 30 став 1 алинеја 2 став 3 и став 5, член 48 и член 49 од Законот за административни службеници („Службен весник на Република Македонија” бр.

Понеделник, Септември 10, 2018
Огласот е завршен

Претседателот на Владата на Република Македонија, Зоран Заев, придружуван од Бујар Османи, заменик на претседателот на Владата задолжен за европски прашања, денеска имаше состанок со учесници на конференцијата што институтот Аспен ја организира во Скопје. Во делегацијата имаше учесници од Германија, Велика Британија и од сите земји од регионот, меѓу кои и пратеници, претставници од министерства за надворешни работи, од универзитети, невладини организации, медиуми.

На средбата е изразена голема поддршка за храбрите и лидерски чекори на премиерот Заев и на Владата, што водат кон решенија. Изразено е очекување за успешност на претстојниот референдум, со што Македонија ќе ги обезбеди своите евро-атлантски интеграции, но, како што беше нагласено и стабилноста и безбедноста на целиот регион.

Република Македонија се наоѓа во важен момент во којшто нема место за национализам и политички интереси, бидејќи е во прашање безбедноста, сигурноста и развојот на државата, но и на целиот регион, е порачано на средбата.

Премиерот Заев рече дека по 27 години, оваа Влада и генерациите на денешнината се охрабриле да прават чекори напред, низ пријателства, достоинствени одлуки, низ реформи што обезбедуваат нови инвеститори и работни места и владеење на правото, ставајќи ги државните интереси и интересите на своите деца над личните и партиските интереси.

-Силно верувам во одлучноста на граѓаните да носат правилни одлуки и дека ќе ја осигураат евро-атлантската иднина на Македонија. Очекувам успешен референдум, затоа што го гледам расположението на граѓаните на теренот кои сакаат да обезбедат добра иднина за себе и за своите деца, во родната земја. Се надевам дека и сите политички субјекти ќе се надминат себе си и ќе донесат одлуки во насока на успешност на референдумот и членство на Македонија во ЕУ и во НАТО, рече премиерот Заев.

Сите учесници во дебатата на средбата изразија надеж дека во Македонија ќе се спроведе успешен референдум што ќе придонесе кон позитивни развојни процеси на целиот регион и спречувајќи неизвесна иднина и можни ризици од неа.

На средбата беа разменети мислења и за други актуелни политички прашања, во насока на стабилен, безбеден и интегриран Балкан.

„Родољубски и татковински, онака како што борците на НОБ ја извојувале слободата и независноста на државата така и ние денеска ја осигуруваме нејзината иднина и перспективност“  е пораката со којашто Претседателот на Владата на Република Македонија и претседател на СДСМ, Зоран Заев им се обрати на присутните пензионери и борци од НОБ од општина Карпош со кои тој денеска се сретна и разговараше за важноста на големата историска одлука пред којашто се исправени граѓаните на Република Македонија.

Во името на борците на НОБ се обрати Наум Буревски кој ја испрати пораката дека заветот што им е оставен на сегашните генерации е Македонија конечно да тргне на правиот пат и сега е приликата да ги исполниме тој наш завет.

Премиерот Заев рече дека македонскиот народ во клучни историски моменти секогаш покажал државотворност и голема мудрост при носењето на важните одлуки за иднината на државата и тоа ќе го потврди и на 30 септември.

„Вредно е ова што го правиме. Обезбедуваме иднина за нашите деца и внуци. Затоа важно е да излеземе сите и да одлучиме за доброто на државата. Разговарајте со вашите роднини, комшии и пријатели, споделете ги пораките, спротивставете ги аргументите, кажете им дека е одговорно и важно да се излезе и гласа на референдумот бидејќи одлучуваме Македонија по кој пат ќе продолжи да се движи.“ порача премиерот Заев.

Зборувајќи за придобивките од членството на нашата земја во ЕУ и НАТО, премиерот Заев рече дека материјалната финансиска поддршка којашто земјата ја добива од ЕУ и НАТО ќе расте и во таа насока тој додаде дека годишно преку европските фондови Македонија добива 90 милиони евра, односно 260.000 евра дневно.

„Ќе бидеме триесетта земја членка на најмоќниот сојуз во светот и ќе одлучуваме заедно со нив. Ќе обезбедиме траен мир и стабилност за нашата земја и ќе партиципираме во обезбедување на светскиот мир.“ истакна премиерот Заев.

По завршувањето на средбата со пензионерите и претставниците на борците од НОБ, премиерот и претседател на СДСМ подели информативни материјали на карпошани и ги повика масовно да излезат и гласаат на 30-ти септември.

 

На редовната 86-та седница, Владата го формираше Kомитетот за интеграција на Република Македонија во НАТО.

Со него ќе претседава претседателот на Владата на Република Македонија, Зоран Заев, а негови заменици се Радмила Шекеринска Јанковска, заменик претседател на Владата на Република Македонија и министер за одбрана, Бујар Османи, заменик претседател на Владата на Република Македонија задолжен за европски прашања и Никола Димитров, министер за надворешни работи.

Постојани членови на Комитетот се: Оливер Спасовски, заменик претседател на Владата на Република Македонија и министер за внатрешни работи, Рената Дескоска, министер за правда, Драган Тевдовски, министер за финансии, Дамјан Манчевски, министер за информатичко општество и администрација, Генерал - мајор Васко Ѓурчиновски, началник на генералштабот на Армијата на Република Македонија, Стојан Славески, директор на дирекција за безбедност на класифицирани информации, Стево Пендаровски, национален координатор за НАТО, Беким Максути, заменик министер за одбрана, Агим Нухиу, заменик министер за внатрешни работи, претставник од опозицијата (според номинација од најголемата опозициска партија).

Во работата на комитетот може да учествуваат и други членови на Владата и други релевантни чинители доколку се расправа за теми од нивната област.

Денеска министрите ја прифатија информацијата за воведување на заеднички контроли на надлежните органи на Република Македонија и на Република Албанија на патниот граничен премин Ќафасан – Кафтане, односно one-stop-shop.

Владата го задолжи министерство за финансии - царинска управа во рок од 15 дена преку Министерството за надворешни работи на Република Македонија да го информира Министерството за надворешни работи на Република Албанија за согласноста од потребата за склучување на Спогодба и за потребата од формирање на делегација за започнување на постапка за водење преговори за склучување на Спогодбата за воведување на заеднички гранични контроли на патниот граничен премин Ќафасан – Кафтане.

На предлог на министерството за здравство, на седницата, министрите ја прифатија предлог - програмата за изменување на програмата за превентивни мерки за спречување на туберкулозата кај населението во Република Македонија за 2018-та година. Измените се однесуваат на делот на финансирање, односно прераспределени се 4 милиони денари - средства обезбедени од основниот буџет и вкупните средства се дополнуваат со 1 милион денари - пари обезбедени од буџет од донации.

Согласно денешната одлука, по повод 8 септември – Денот на независноста на Република Македонија, Владата в сабота ќе организира прослава на платото пред зградата на Владата со пригодна културно – уметничка програма.

На 86-тата седница министрите ја прифатија и информацијата во врска со утврдување на потребата за изработка на нов Закон за стратешки инвестиции во Република Македонија.

Владата го задолжи Министерството за транспорт и врски во рок од 3 дена од добиените номинации да формира работна група за изработка на предлог Закон за стратешки инвестиции во Република Македонија. Во исто време, неколку министерства, кабинетите на Претседателот на Владата и на Заменик Претседател на Владата, во рок од 5 дена да номинираат лице за работната група за изработка на предлог Закон за стратешки инвестиции во Република Македонија.

Од формирањето на работната група, Министерството за транспорт и врски има рок од 60 дена до Владата да достави нацрт Закон за стратешки инвестиции во Република Македонија.

На денешната седница Владата на Република Македонија ја разгледа и ја усвои информацијата за потребата од подобрување на состојбата на општинската патна мрежа.

За таа цел, Владата го задолжи Министерството за финансии да отпочне постапка за задолжување кај Светска банка со заем во висина од 70 милиони евра, во зависност од можностите на Буџетот, а врз основа на стратегијата за партнерство.

 

Министерката за одбрана Радмила Шекеринска денеска учествуваше на панел дискусијата на тема „МК во НАТО: Спроведување на НАТО принципите во Македонија“, во организација на Министерството за одбрана и фондацијата „Фридрих Еберт“.

„Членството во НАТО за Македонија е важно од три крупни причини – безбедноста, економијата и нејзиниот развој и фактот дека членството во НАТО е првиот и важен чекор за забрзување на интеграцијата во Европската Унија“, рече министерката Шекеринска на панел – дискусијата. Таа додаде дека безбедноста е како здравјето – никогаш не е на врвот на приоритетите кога ја имаме, но многу брзо знае да биде најважна кога е загрозена.

Министерката истакна дека на членството во НАТО се гледа како на уште една потврда дека граѓаните на Македонија, нашите соседи, пријатели, бизнисмени и странските бизнисмени не треба да се грижат за стабилноста и безбедноста на државата.

„Членството во НАТО има свое влијание и на статусот, положбата и квалитетот на вооружените сили. Имавме дискусии околу различните иницијативи за да го подобриме статусот на припадниците на АРМ и тоа беше фокусот на Владата оваа година. Со зголемувањето на буџетот за одбрана, ги зголемивме платите на припадниците на АРМ, ги исплативме сите обврски согласно Колективните договори со синдикатите“, истакна министерката.

Во однос на економскиот бенефит, министерката истакна дека примерите од земјите од регионот покажуваат дека од членството во Алијансата  сериозно влијае на растот на економијата, намалување на невработеноста, особено за младите, а на среден рок и на зголемувањето на платите. Министерката го спомена примерот со Црна Гора каде во првите шест месеци од оваа година, износот на странски инвестиции е 2,5 пати поголем од минатата година, во истиот период. Додаде дека овие ефекти, се видливи и во искуствата на други земји по нивната интеграција во НАТО, како Бугарија, Хрватска и Словенија.

Третата придобивка, посочи Шекеринска, е дека членството во НАТО е првиот, важен чекор за реално да се влезе во процесот на зачленување во Унијата. Тоа политички ќе ги забрза процесите, рече Шекеринска, и додаде дека иако не станува збор за обврска, за држава од профилот, искуството, историјата како оние на Македонија, единствен пат за брзо да стане членка на Унијата е час поскоро да стане членка на НАТО.

Шекеринска рече дека на 30 септември, секој од нас, како граѓанин, ќе има шанси да и помогне на државата за остварување на овие стратешки цели.

Дел од панел – дискусијата беше и Рајнхолд Робе, поранешен правобранител на германската армија кој посочи дека е оптимист и дека членството на Македонија во НАТО е многу важен чекор за стабилноста во целиот регион.

Претседателот на Владата на Република Македонија, Зоран Заев, министерот за образование и наука, Арбер Адеми, пратеникот во Собранието на Република Македонија и Претседател на политичката партија „ДУИ“, Али Ахмети, градоначалникот на Град Скопје, Петре Шилегов и градоначалникот на Општина Сарај денеска присуствуваа на одбележувањето на почетокот на изградбата на новата спортска сала во СУГС „Сарај“ во општина Сарај, во Скопје.

Премиерот Заев во своето обраќање нагласи дека сите деца заслужуваат да ги добијат сите потребни услови за достоинствено следење на училишната настава, но и за практикување на здрави спортски навики.

„Ме радува фактот што учениците и наставниците ќе добијат современа спортска сала опремена со најмодерни реквизити и справи каде што младите и децата ќе можат да тренираат повеќе спортови.

Убеден сум дека еден ден сите заедно ќе се радуваме на успесите што ќе ги постигнуваат децата од ова наше училиште.

Владата на Република Македонија е силно определена да ги поддржи проектите што се од интерес на граѓаните и значат подобрување на квалитетот на живот и од тие причини продолжуваме со реализацијата на изградба на спортски сали.

Училиштата ни се од исклучителна важност во намерата да инвестираме, со сите расположливи ресурси и капацитети во развојот на спортската инфраструктура и условите за спортувањето како начин и стил на живот во Република Македонија“ истакна премиерот Заев.

Во своето обраќање министерот Адеми потенцираше дека: „На самиот почеток на новата учебна 2018/2019 година, со денешното поставување на камен темелник за изградба на нова, современа училишна спортска сала во рамки на средното училиште на Град Скопје – „Сарај“, покажуваме и докажуваме која е, но и ќе продолжи да биде нашата приоритетна заложба во рамки на образовните политики кои ги креираме и спроведуваме, а тоа е унапредувањето на инфраструктурните условите за квалитетна реализација на воспитно образовниот процес и за спортување и рекреација на најмладите.

Секако дека, покрај квалитетните наставни програми и учебници, и самата инфраструктура, односно условите во кои децата ги реализираат часовите по сите предмети, вклучувајќи ги и часовите по предметот спорт и спортски активности се основа за постигнување добри резултати и успеси.

Затоа сме одлучни да вложуваме во изградба на нови училишта, нови спортски сали, но и во реконструкција и санација на постојните, онаму каде има потреба и можност да се интервенира.“


Претседателот на Владата на Република Македонија, Зоран Заев придружуван од министерот за образование и наука, Арбер Адеми, пратеник во Собранието на Република Македонија и  Претседател на политичката партија „ДУИ“, Али Ахмети, градоначалникот на Град Скопје, Петре Шилегов и градоначалникот на општина Сарај денеска присуствуваше на настан посветен на отпочнувањето со изградба на нова спортска сала во средното училиште на Град Скопје „Сарај“ во општина Сарај, во Скопје. Во своето обраќање премиерот Заев истакна:

Собрани сме на настан за подобра иднина на нашите деца. Важни се овие зафати за обезбедување на услови за подобро здравје и за добар физички развој на нашите ученици.

Во оваа идна спортска сала којашто денеска почнува со изградба ќе создадеме услови и за развој на спортските таленти.

Тоа се само дел од причините за моето огромно задоволство што заедно го означуваме стартот на работите за изградба на нова спортска сала во Општината.

Изградбата на овој капитален објект, како дел од Средното училиште „Сарај“, е од големо значење бидејќи со тоа ќе се овозможат услови за спортување, физичка активност и здрави навики на учениците што посетуваат настава во ова училиште.

Ме радува фактот што учениците и наставниците ќе добијат современа спортска сала опремена со најмодерни реквизити и справи каде што младите и децата ќе можат да тренираат повеќе спортови.

Убеден сум дека еден ден сите заедно ќе се радуваме на успесите што ќе ги постигнуваат децата од ова наше училиште.

Владата на Република Македонија е силно определена да ги поддржи проектите што се од интерес на граѓаните и значат подобрување на квалитетот на живот и од тие причини продолжуваме со реализацијата на изградба на спортски сали.

Училиштата ни се од исклучителна важност во намерата да инвестираме, со сите расположливи ресурси и капацитети во развојот на спортската инфраструктура и условите за спортувањето како начин и стил на живот во Република Македонија.

Спортските навики се доблест што сакаме да ги поттикнеме кај секој млад човек - дисциплина, тимска работа, почит, лидерство, солидарност, резултати.

Заради тоа, и многу други причини, создаваме услови за зголемен број на часови по спорт во основните и во средните училишта.

Сакаме да го вратиме спортот во училиштата, да создадеме услови за натпревар за да се создаваат навики за компетитивност, но, уште повеќе и за фер однесување и дружење, а спортот тоа најдобро го прави.

Затоа ни е важна изградбата на спортска училишна инфраструктура како основа за реализација на овие цели.

Нашите деца заслужуваат да ги добијат сите потребни услови за достоинствено следење на училишната настава, но и за практикување на здрави спортски навики.

Посакувам успешна изградба на новата сала во училиштето „Сарај“, на изведувачите им посакувам со лесно и брзо да ја градат салата и најискрено очекувам овој капитален објект да ви донесе многу среќа и радосни моменти за учениците и жителите на Општина Сарај!

Безбедносната состојба на подрачјето на СВР Велес е стабилна, рече министерот за внатрешни работи Оливер Спасовски по денешната посета на СВР Велес и локалната самоуправа, во склоп на посетите кои се организираат континуирано.

- „Имаме подобрување во многу сфери од работењето. Имаме зголемување на откривачката дејност, а сериозен предизвик е сообраќајот, на кој континуирано се работи. Со градоначалникот Аце Коцевски разговаравме за меѓусебната соработка, за обновувањето на врската меѓу локалната заедница и полицијата. Многу важно за безбедноста е да има соработка, партнерски однос меѓу граѓаните и македонската полиција. За жал, таа нишка беше прекината во минатото, но денеска имаме многу заеднички иницијативи кои придонесуваат да ја обновиме таа соработка и притоа ја враќаме довербата на граѓаните во полицијата. Упатувам апел до граѓаните на Велес да бидат партнери на полицијата. Разговаравме за прашања кои можеме заеднички да ги решиме, посебно во делот на сообраќајот и веќе детализираме и конкретни активности. Успешната соработка ќе ја продлабочуваме и во иднина“, рече Спасовски.

Министерот Спасовски ги информираше медиумите и за подготовките на СВР Велес и воопшто МВР во пресрет на претстојното референдумско изјаснување на 30 септември.

- „Ние сега се наоѓаме во исклучително важен, исторски период за Република Македонија пред одржувањето на референдумот и во рамките на СВР Велес се преземаат сите потребни подготовки да се овозможи мирна атмосфера се со цел граѓаните да можат самостојно да донесат одлука. Придобивките се огромни од членството во НАТО и ЕУ. НАТО ја гарантира безбедноста, но членството во НАТО е значајно и на економски план, а  придобивките од ЕУ се значителни, ако имате во предвид дека сега овозможуваат по 260.000 евра на ден европски пари помош за Македонија. Самото тоа покажува какви можности се отвараат за Македонија“, рече Спасовски.

Претседателот на Владата на Република Македонија, Зоран Заев, денеска, учествуваше и се обрати на доделувањето на финансиска поддршка за отворање на три бизнис акцелератори за млади претприемачи и иноватори, проект кој на  младите луѓе кои поседуваат креативни бизнис планови ќе им понудат можност и поддршка за развој на конкретни бизниси и старт ап компании кои ќе носат профит, ќе учествуваат во развојот на од македонската економија и ќе овозможат подобрување на животниот стандард на сите граѓани. Вкупниот буџет за сите три проекти е 2 милиони евра од кои Фондот за иновации и технолошки развиј (ФИТР) во соработка со Светската банка обезбедува 1.5 милиони евра, додека апликантите вложуваат половина милион евра, сопствени средства. 

На објавувањето на трите успешни апликанти, конзорциуми кои ќе развијат програми за основање и развој на стартап компании за млади, говореа и заменикот претседател на Владата задолжен за економски прашања и координација со економските ресори, Кочо Анѓушев, директорот на Светската Банка за Македонија и за Косово, Марко Мантованели и директорот на Фондот за иновации и технолошки развој (ФИТР), Јован Деспотовски.

Потенцирајќи дека се работи за прв проект за поддршка на бизнис акцелератори во Република Македонија, премиерот Заев информираше дека тие ќе понудат силна база на поддршка, едукативни програми, стручни анализи на пазарот, обуки за практична примена и имплементација на новите технологии и иновации и огромна бизнис поддршка којашто ќе им овозможи на старт ап компаниите успех, брз раст и напредок.
 
Премиерот Заев подвлече, дека ваквите проекти го покажуваат настојувањето на Владата на Република Македонија за достигнување на европските стандарди на работа со што се создаваат реални бизнис можности за младите да  работат и градат иднина дома во својата земја. Тој се осврна и на позитивните резултати од инвестициите годинава и оцени дека тие се резултат на   враќањето на довербата на инвеститорите заради издржаните економски политики и решителните политички чекори напред за членство на земјата во ЕУ и НАТО.
 
„Првото полугодие имаме одлични резултати, 327 милиони евра странски директни инвестиции, што е за три пати повеќе во споредба со истиот период од минатата година кога нивото на инвестиции изнесуваше 105 милиони евра. Или, 215 проценти повисок од просекот во последните три години. Забележан е раст од 8.4 проценти на индустриското производство, пораст на 7.2 проценти на бројот на работници во месец јули, и раст на извозот од 17 проценти во периодот јануари-јули, споредено со истиот период минатата година“, образложи премиерот Заев. 
 
Премиерот Заев, притоа додаде дека  членството во ЕУ и НАТО ќе значи дуплирање или триплирање на домашните и странски директни инвестиции и забрзан раст на македонската економија.
 
„Исправени сме пред историска шанса да овозможиме нашата држава да стане дел од евро-атлантското семејство на успешни и напредни земји“, заклучи премиерот Заев. 
 
Вицепремиерот Анѓушев, обраќајќи им се на присутните, истакна дека денеска се промовира една од сетот на мерки што Владата ги креираше годинава за силна поддршка на стопанството и ги таргетира најмалите и најзначајните чинители на економијата.
 
„Јас им предлагам, препорачувам и сугерирам на сите млади луѓе во земјава да ја искористат оваа шанса и во рамките на акцелераторите да аплицираат да формираат своја фирма, бидејќи многу е важно дека не само финансиски што ќе бидат поддржани, не само што ќе бидат поддржани со простор и опрема каде што ќе можат да формираат својата фирма, туку ќе бидат поддржани и со знаење, „knowhow“ од областа на менаџментот како своите фирми да ги водат, да ги управуваат и со самото тоа да станат успешни. Акцелераторите се место каде што треба младите луѓе да формираат свои фирми и да ги реализираат своите соништа. „Mobil Eye“, е формирана во акцелератор во Израел и таа е продадена во двоцифрен број на милијарди евра на слободниот пазар“,  рече Анѓушев.

Директорот на Светската Банка за Македонија и за Косово, Марко Мантованели изрази особено задоволство за можноста која меѓународната организација ја има со учеството во поддршката на Агендата за развој на претприемачките способности на фирмите заедно со Владата на Република Македонија.

„Со формирањето, финансиската поддршка на бизнис акцелератори за млади во нашата држава, Македонија станува дел од успешните светски приказни и модели и истовремено ги ставаме достапни на македонските граѓани, односно старт ап компании, истакна директорот на ФИТР, Деспотовски.

Тој се задржа на статистиките во глобални рамки за оваа област.

„Минатата година повеќе од 200 милиони американски долари се вложени во стартап компании, преку повеќе од 550 акцелераторски програми, што занчи повеќе од 11.000 стартап компании добиле менторска поддршка, но и финансиска поддршка  за да се развиваат забрзано понатаму“, информираше Деспотовски посебно акцентирајќи дека се планира Програмата во Македонија да се развие успешно.

Деспотовски, како претставник на Фондот за обнова и развој потпиша договори за финансиска поддршка со трите конзорциуми избрани од Комитетот за одобрување на инвестициите, по спроведени интервјуа со единаесет пријавени апликанти и тоа: Деловно-технолошки акцелератор „УКИМ“ ДОО Скопје, „СЕАВУС“- едукативен и развоен центар и Друштвото за деловна, техничка поддршка и едукација „ИКС Фактор“. 


Премиерот Зоран Заев, денеска присуствуваше и се обрати на потпишувањето на договори за финансиска поддршка за отворање на три бизнис акцелератори за млади претприемачи и иноватори. 

„На мое огромно задоволство денеска ја имам честа да објавам дека за прв пат Владата на Република Македонија, во соработка со Фондот за иновации и технолошки развој и Светска Банка, доделува финансиска поддршка за отворање на три бизнис акцелератори за млади.
 
Отвораме можности за развој на старт ап компании, брзорастечки бизниси и нови добро платени работни места за младите во Република Македонија!
 
Уште еднаш ја потврдуваме нашата силна заложба да ги втемелиме иновациите и претприемништвото како основа за економскиот развој на нашата земја.
 
Сите млади луѓе кои поседуваат креативни бизнис планови ќе добијат вистинска можност и силна поддршка да ги развијат во конкретни бизниси и старт ап компании кои ќе носат профит и ќе претставуваат развоен дел од македонската економија.
 
Со оваа финансиска поддршка избраните конзорциуми кои денеска ќе потпишат договори ќе формираат бизнис акцелератори кои ќе развиваат програми за основање и развој на старт ап компании за млади и развој на брзорастечки бизниси кои ќе отвораат високоплатени работни места.
 
Овие три бизнис акцелератори, во период од три години, со оваа финансиска помош ќе овозможат поддршка на 100 старт ап компании.
 
Во рамки на бизнис акцелераторите младите претприемачи и иноватори ќе ја имаат целосната поддршка, менторство и сите потребни услови за развој на нивните бизнис планови и иновации.
 
Акцелераторите ќе понудат силна база на поддршка, едукативни програми, стручни анализи на пазарот, обуки за практична примена и имплементација на новите технологии и иновации и огромна бизнис поддршка којашто ќе им овозможи на старт ап компаниите успех, брз раст и напредок.
 
Станува збор за прв најголем проект за поддршка на отворање бизнис акцелератори којшто се спроведува во Република Македонија со поддршка на Владата на Република Македонија, Фондот за иновации и технолошки развој и Светска Банка.
 
Овој убав настан покажува дека сигурно чекориме кон достигнување на европските стандарди на работа и создаваме реални бизнис можности за младите да  работат и градат иднина дома во нашата Македонија.
 
Првото полугодие имаме одлични резултати – 327 милиони евра странски директни инвестиции, што е за три пати повеќе во споредба со истиот период од минатата година кога нивото на инвестиции изнесуваше 105 милиони евра. Или, 215 проценти повисок од просекот во последните три години.
 
Забележан е раст од 8.4% на индустриското производство и пораст на 7.2 % на бројот на работници во месец јули споредено со истиот период минатата година.
 
Дополнително растот на извозот од 17% во периодот јануари – јули 2018 во споредба со истиот период минатата година и сите овие позитивни економски индикатори покажуваат дека се враќа довербата на инвеститорите во нашата економија токму заради издржаните економски политики и решителните политички чекори напред за членство на земјата во ЕУ и НАТО.
 
Членството во ЕУ и НАТО ќе значи дуплирање или триплирање на домашните и странски директни инвестиции, отворање на многу нови работни места, повисоки плати за нашите граѓани, а воедно и отворање на други нови бизнис акцелератори кои ќе овозможат развој на многу нови старт ап компании.
 
Членството на земјата во ЕУ и НАТО гарантира забрзан раст на македонската економија.
 
Исправени сме пред историска шанса да овозможиме нашата држава да стане дел од евро-атлантското семејство на успешни и напредни земји.
 
Тоа е заедничка одговорност за иднината.
 
Така ќе изгледа новата реалност на Европска Македонија. Сите заедно имаме одговорност да ја овозможиме таа реалност.
 
На самиот крај дозволете ми да изразам огромна благодарност до Светска Банка за континуираната поддршка и да им посакам успех на конзорциумите добитници на финансиска помош во реализацијата на инвестициските програми и планови.
 
Ве охрабрувам и ви гарантирам дека Владата на Република Македонија ќе ви ја пружи сета поддршка да продолжите да развивате проекти кои ќе претставуваат нова вредност за раст на економијата и за подобар живот на граѓаните“.

Претседателот на Владата на Република Македонија, Зоран Заев денеска учествуваше на трибина во организација на Стопанската Комора на Македонија на која заедно со Претседателот на Стопанска Комора на Македонија, Бранко Азески разговараа за перспективите на македонската економија од полноправното членство на земјата во ЕУ и НАТО.

На самиот почеток на дебатата беше заеднички констатирано дека Република Македонија мора да ја фати брзата трака кон полноправно членство во НАТО и ЕУ како важен предуслов за економски развој на државата и подобар животен стандард за граѓаните.

„Крајно време е после 27 години независност да ја ставиме Македонија на една брза трака или брз мотор, со лидерството заедно со стопанството кон членство во ЕУ и НАТО што ќе придонесе нашата земја да биде прикладно место за живеење.“ порача Премиерот Заев.

Претседателот на Стопанска Комора на Македонија, Бранко Азески во разговорот со премиерот Заев порача дека бизнис заедницата застанува цврсто зад напредните процеси кои се очекува да резултираат со полноправно членство на земјата во ЕУ и НАТО што ќе резултира со забрзување на економските процеси на раст и развој.

Во однос на информацијата којашто ја сподели Претседателот на Стопанската Комора на Македонија, Бранко Азески дека со членството на земјата во НАТО ќе се отвори можност за пласман на македонските производи и услуги за потребите на НАТО Алијансата којашто добавува 32 милиони производи од 16 милиони добавувачи, премиерот Заев истакна:

„Една од придобивките не е само што НАТО ни ја гарантира безбедноста, мирот и стабилноста коишто се најважни предуслови за бизнисот. Има и една друга убава придобивка овде, имаме право како членка да партиципираме во набавките што НАТО ги прави. Тоа ни следува со членството. Јас лично разговарав со генералниот секретар, бројките се многу убави и тоа отвора трговска можност на многу домашни компании да влезат и да заработат и профитираат. Тоа се стотици милиони евра можности кои се отвораат за нашите компании“ истакна премиерот Заев и додаде дека ќе се отвори таа можност по завршувањето на скринингот и потпишувањето на протоколот од земјите членки за полноправно членство на нашата држава во НАТО алијансата.

Во тој правец Премиерот Заев соопшти дека најавата за членство во НАТО и ЕУ придонесе кон постигнување на позитивни економски резултати кои според владини проценки и анализи ќе бележат раст на БДП во вториот квартал помеѓу 2.5% и 4%.

„Индустриското производство во јули 2018 во споредба со јули 2017 изнесува 8.4%. Од јануари до јули 2018 во споредба со истиот период 2017 е вкупно 5.5% раст на индустриското производство. Сакам да знаете дека вака како што е поставена во контрола државата преку УЈП и инспекциите, меѓу 8 и 10% е зголемен приходот од даноците во државата во споредба со лани. Тоа е доказ дека живее економијата, дека е раздвижена и растат овие параметри. Извозот е зголемен 14.5%. Сите овие параметри во најава покажуваат раст.“ рече премиерот Заев.

На крајот од своето обраќање премиерот Заев порача дека за поголеми стапки на економски раст и стабилност на економијата потребно е земјата да стане полноправна членка на ЕУ и НАТО и за таа цел побара поддршка од претставниците на бизнис заедницата.

Претседателот на Владата на Република Македонија, Зоран Заев, денеска се сретна со Христијан Хелбах, специјален претставник за Југоисточна Европа на германското министерство за надворешни работи.

На состанокот е изразена силна поддршка од Сојузна Република Германија за успешноста на претстојниот референдум и на евро-атлантските интеграции на Република Македонија.

Констатирано е дека Република Македонија е позитивен пример во регионот како  се решаваат билатерални прашања. Стабилноста и членството на Македонија во НАТО и во ЕУ е важно, како за граѓаните на нашата држава, така и за целиот регион. Очекуваме добри вести за целиот регион и затоа е многу важно, процесот што води кон интеграциите на Македонија да успее, со покажана одговорност од сите политички субјекти во државата, констатирано е заеднички на средбата.

Претседателот на Владата, Заев, изрази голема верба дека граѓаните ќе донесат правилна одлука за својата иднина и за иднината на својата држава на 30-ти септември.

- Граѓаните се свесни дека претстојниот референдум е вратата кон подобра иднина, повисок животен стандард, осигурени граници на државата, еднаш засекогаш потврден македонски јазик и идентитет, а тоа го носат членството во ЕУ и НАТО. Очекувам свесност од сите политички субјекти во државата кои им мислат добро на граѓаните и на државата, да го поддржат процесот на евро-атлантски интеграции и да ја обезбедиме заеднички, нашата заедничка иднина, рече премиерот Заев.

Германскиот специјален пратеник, Хелбах посочи дека решението на спорот со името е предуслов за успешна евроатлантска интеграција на Македонија.