Kryetari i Qeverisë së Republikës së Maqedonisë së Veriut, Zoran Zaev dhe ushtruesi i detyrës ndihmës sekretarin shtetëror të SHBA-së për Evropën dhe Çështjet Euroaziatike, në Stajt Departament në Shtetet e Bashkuara të Amerikës,Filip Riker, sot në Ohër mbajtën konferencë për shtyp.
Konferencës i parapriu takim dypalësh në të cilën përveç Filip Riker, morën pjesë edhe zëvendës-ndihmës Sekretari Shtetërorë për Evropë dhe EuroAzi në Departamentin Shtetit të SHBA-ve, Metju Palmer dhe ambasadorja e SHBA-ve në vendin ton Kejt Brnz.
Në fjalimin e tij të konferencës për shtyp, Kryeministri Zaev i falënderoi përfaqësuesit e lartë të Stejt Departamentit të SHBA-ve të cilët me pjesëmarrjen e tyre duke shtuar vlera tjera në “Forumi i Prespës për Dialog”, organizuar me rastin e tre vjetorit nga Marrëveshja e Prespës dhe kushtuar dialogut për fqinjësi të mirë, një ngjarje që krijon skenat për një rajon më të fortë, më të qëndrueshëm dhe të prosperuar.
"Për Ballkanin Perëndimor, njoftimi i Presidentit Biden për të kthyer praninë e fortë të Shteteve të Bashkuara të Amerikës në skenën botërore me një diplomaci të angazhuar bazuar në vlerat më të çmuara demokratike të këtij vendi dhe partneri i yni strategjik është jashtëzakonisht i rëndësishëm," potencoi Kryeministri Zaev në konferencën për shtyp.
Ai shtoi se me këtë rast ai shprehu mirënjohje për mbështetjen e vazhdueshme, të hapur dhe të sinqertë të Amerikës për aspiratat tona sa më shpejt të jetë e mundur për të filluar negociatat e anëtarësimit me Bashkimin Evropian.
"Hapja e bisedimeve për anëtarësim në Bashkimin Evropian mbetet prioriteti ynë më i lartë strategjik dhe shfrytëzoj këtë mundësi edhe një herë ta theksoj atë që besoj është e qartë edhe për Brukselin, se çështjet dypalëshe nuk kanë vend në kornizën negociuese, qëndrim për të cilin pa mëdyshje u pajtuam me ndihmës sekretarin shtetëror, Philip Reeker", tha Zaev para gazetarëve.
Ai theksoi se Maqedonia e Veriut nuk do të tërhiqet nga gjetja e një zgjidhje reciprokisht të pranueshme me Republikën e Bullgarisë bazuar në vlerat dhe standardet Evropiane dhe se vendi është i përkushtuar për zbatimin e Marrëveshjes të miqësisë dhe fqinjësisë të mirë në të gjitha fushat me interes të përbashkët, përfshirë Komitetin për çështje historike, por ka disa çështje që nuk mund të negociohen.
Brukseli duhet të përballet sinqerisht me situatën në të cilën vendoset angazhimi strategjik për zgjerimin e mëtejshëm të Unionit me vendet e Ballkanit Perëndimor dhe të jetë në gjendje të shpallë atë zgjidhje nga Samiti i BE për Ballkanin Perëndimor që do të mbahet këtë vjeshtë.
"Ne kemi mbështetjen e Shteteve të Bashkuara në këtë drejtim dhe është shumë e rëndësishme. Tani më shumë se kurrë, ne jemi njëzëri se avancimi i bashkëpunimit rajonal është i pashmangshëm për evropianizimin e Ballkanit dhe kjo nga ana tjetër është një pjesë thelbësore e rrugës sonë drejt anëtarësimit në BE," potencoi Kryeministri Zaev.
Interes i yni afatgjatë po aq i rëndësishëm është intensifikimi i mëtejshëm i marrëdhënieve të shkëlqyera bilaterale politike, ekonomike dhe kulturore me Shtetet e Bashkuara të Amerikës," tha Kryeministri Zaev, duke theksuar se Marrëveshja e Partneritetit Strategjik 2008 është një nga bazat mbi të cilat ne ndërtojmë edhe më afër lidhjet në shumë fusha.
"Ekziston një potencial i madh për investime nga kompanitë amerikane në Maqedoninë Veriore. Këtë e konfirmojnë deri në dhjetë kompani amerikane që kanë investuar disa qindra milion dollarë në zhvillimin e kapaciteteve të tyre në ZZHIT në vendin tonë ", informoi Kryetari Zaev.
Maqedonia Veriore dhe Shtetet e Bashkuara, si partnerë dhe aleatë të ngushtë strategjikë, janë përqendruar bashkërisht në përpjekjet e përbashkëta për sigurinë, lirinë dhe prosperitetin demokratik, si dhe aktivitete të përbashkëta në luftën kundër terrorizmit dhe kërcënimeve të tjera ndaj paqes në të gjithë botën.
"Që në vitin e parë të anëtarësimit në NATO, Maqedonia Veriore dëshmoi se është një anëtare aktive e Aleancës dhe ndan vlerat e përbashkëta të të gjithë aleatëve. Ne jemi konfirmuar si një aleat i besueshëm me një pjesë të konsiderueshme në përpjekjet e NATO-s për paqe dhe siguri në rajon dhe globalisht," theksoi Zaev.
Si një mik dhe bashkëpunëtor i ngushtë, tha Kryeministri, Amerika ka ndihmuar në zbutjen e efekteve të pandemisë me donacione për të mbrojtur qytetarët dhe forcuar kapacitetin tonë të shëndetit publik me përfitime afatgjata.
"Më në fund, unë do të doja të theksoja se Maqedonia Veriore dhe Shtetet e Bashkuara riafirmojnë angazhimin e tyre të përbashkët për një aleancë dhe bashkëpunim edhe më të madh, me respekt dhe vlerësim të thellë për interesat tona të përbashkëta për prosperitetin e Maqedonisë Veriore dhe Ballkanit Perëndimor," tha në konferencën ushtruesi i detyrës ndihmës sekretarin shtetëror të SHBA-së për Evropën dhe Çështjet Euroaziatike, në Stajt Departament në Shtetet e Bashkuara të Amerikës,Filip Riker.
Nga ana e tij, zëdhënësi i Departamentit të Shtetit Filip Riker theksoi se SHBA-të dhe Maqedonia e Veriut si aleatë kanë arritur shumë gjëra të përbashkëta dhe nënvizoi Marrëveshjen Kornizë të Ohrit dhe Marrëveshjen e Prespës, të cilat kishin mbështetje të fortë në Uashington sepse ato përcaktonin qartë trajektoren e Maqedonisë Veriore drejt komuniteti të demokracive progresive.
"Bllokada në bisedimet aderuese për Maqedoninë e Veriut minon besueshmërinë e Evropës dhe nxjerr në pah përshtypjen se BE po e lë rajonin prapa," tha në një konferencë shtypi ushtruesi i detyrës ndihmës sekretarin shtetëror të SHBA-së për Evropën dhe Çështjet Euroaziatike, në Stajt Departament në Shtetet e Bashkuara të Amerikës,Filip Riker.
