Потпишување на Договор меѓу Владата на Република Македонија и Советот на министри на Босна и Херцеговина за заемно признавање и замена на возачки дозволи

Утре, 13-ти септември (среда), со почеток во 12:00 часот во Свечената сала во Владата на Република Македонија ќе се одржи свечено потпишување на Договорот меѓу Владата на Република Македонија и Советот на министри на Босна и Херцеговина за заемно признавање и замена на возачки дозволи.


Во име на Владата на Република Македонија, договорот ќе го потпише министерот за внатрешни работи Оливер Спасовски, а во име на Советот на министри на Босна и Херцеговина, министерот за комуникации и транспорт, Исмир Јуско.


На чинот на потпишувањето ќе биде присутен и министерот за транспорт и врски, Горан Сугарески кој претходно ќе оствари и билатерална средба со Министерот за комуникации и транспорт, на БиХ, Исмир Јуско, во билатералната сала со почеток во 11:00 часот.


Предвидено е министрите да дадат изјави за медиумите веднаш после свечениот чин на потпишувањето во Свечената сала.