Соопштенија

Од собраниската расправа за доверба на Владата на РМ: Од интерес на граѓаните е да имаме активна опозиција; „Фени“ е единствениот успешно решен стечај; Ниту еден вработен на неопределено не го загубил работното место

„Од интерес на граѓаните и власта, со опозиција во парламентот можеме да имаме подобра власт" рече премиерот Заев од собраниската говорница.

Премиерот Заев на средба со Џоди Олсен, директорка на Мировниот корпус од САД: Мировниот корпус е едно од најдобрите искуства во градењето на трајни мостови помеѓу САД и Република Македонија

„Организацијата Мировен корпус е едно од најдобрите искуства во градењето на трајни мостови помеѓу САД и Република Македонија, како една од најмасовните мисии во земјата со една од најдобрите програми“, рече претседателот на Владата на РМ, Зоран Заев.

Одбележани 26 години самостојна и независна Царинска управа на Република Македонија

Настанот со свое обраќање го отвори министерот за финансии д-р Драган Тевдовски, кој истакна дека Министерството за финансии ќе продолжи во спроведувањето на реформите во овој сектор, како и во вложувањето и стручната поддршка на Царината, потенцирајќи дека само заедно можеме да одговориме на новите предизвици, како резултат на брзата глобализација на трговијата и финансиските системи, што наметнуваат нови очекувања за Владата на Република Македонија и пошироката заедница во борбата против нелегалните финансиски текови, организираниот криминал и даночната евазија.

Османи: Германија ја сметаме за земја - партнер во евроатлантските интеграции на Македонија

Вицепремиерот Османи изрази благодарност за континуираната поддршка и посветеноста на Германија за европските интеграции на земјите од Западниот Балкан, особено истакната преку иницијативата на „Берлинскиот процес“, но и за директната билатерална поддршка што Република Македонија ја добива од Германија.

Од седницата на Собранието на РМ за доверба на Владата: Пензиите растат, ранливите категории граѓани се згрижуваат; Се реконструираат запуштените објекти во здравството, ослободувањето од партиципацијата ќе се реализира етапно

Министерката Царовска во своето обраќање пред пратениците во Собранието истакна дека, наспроти уништениот систем за социјална работа и на утврдените финансиски проневери во повеќе инстититуции, Владата на Република Македонија и Министерството за труд и социјална политика отпочнаа процес на деинституционализација на системот за социјална заштита, која претходната власт го кочеше.

Средба на премиерот Заев со министерот за надворешни работи на Украина, Климкин: Направен е прогрес во Македонија, создадени се услови за унапредување на соработката и можности за инвестиции

„За Република Македонија евроинтеграциите се стабилност, безбедност и економија. Работиме на напредок во клучните области важни за квалитетот на живот на граѓаните и за ЕУ и НАТО. Затоа ја оценуваме 2018 за значајна година, месецов да се тргне условеноста на препораката за преговори, а потоа и исчекори на евро-атлантски план“, рече премиерот Заев.

Прес-конференција на портпаролите на Владата на Република Македонија, Миле Бошњаковски и Муамет Хоџа по редовната 63-та седница на Влада

Видео од прес-конференцијата на портпаролите на Владата на Република Македонија, Миле Бошњаковски и Муамет Хоџа на која информираа за одлуките донесени на редовната 63-та владина седница.

Министерот Димитров и министерот за надворешни работи на Украина, Климкин го потврдија интересот за унапредување на економската соработка

Министрите ја реафирмираа заедничката визија за побезбедна и постабилна Европа и меѓусебната поддршка и соработка во остварувањето на надворешно-политичките приоритети на двете земји.

Седница на Националниот комитет за спречување на насилен екстремизам и борба против тероризам

Како една од поважните точки на дискусија беше и идното работење на Националниот комитет. Како следни чекори треба да се усвои Деловник за работа на Националниот комитет, како и Протокол за комуникација – внатрешна и надворешна. Предвидени се и Меморандуми за соработка со повеќе институции со цел зајакната координација и сеопфатен институционален пристап кон превенирање на радикализмот, насилниот екстремизам и тероризмот.

Министерката Дескоска: Измените на Законот за основно образование ставени пред очите на јавноста

Нема повеќе учење во сабота, нема повеќе пренатрупани одделенија, часовите за основните се ограничуваат според возраста, неработни денови за наставниците за време на зимскиот распуст се само дел од измените и дополнувањата кои се предвидуваат со новиот Закон за основото образование, кои денес ги образложи министерката за образование и наука Рената Дескоска.